डेनमार्क– कुकुरलाई मानिसहरुको सबैभन्दा इमान्दार साथी मानिन्छ । कोही मानिसहरु आफ्नो कुकुरलाई आफूलाई भन्दा पनि बढि माया गर्ने गर्दछन् । यस्तै आफूलाई भन्दा पनि आफ्नो कुकुरलाई मागा गर्ने केविन डोरलेग डेनमार्कमा बस्दछन् । उनीले संसारको सबैभन्दा लामो कुकुरलाई आफ्नो घरमा पालेका छन् ।


गिनिज बुक अफ वल्र्ड रेकर्डधारी ज्यूस नामका यो कुकुरको उचाई ११२ सेन्टिमिटर रहेको छ अर्थात यसको लम्बाई लगभग साढेँ तीन फिट रहेको छ । यदि यो कुुकुर आफ्नो पछाडिको खुट्टामा उभिन्छ भने यसको लम्बाई सात फिट दर्ता गरिएको छ । जुन सामान्य कुकुरभन्दा निकै धेरै हो ।

यो वर्ष ज्यूस आफ्नो छैटौँ वर्षगाँठ मनाउने तरखरमा थियो तर उमेर पुगेकाले ज्यूसको मृत्यु भयो । उनका मालिक केविनका अनुसार ज्यूस ७५ किलोको थियो र मज्जाले खाने गर्दथ्यो । उनी भन्छन्, ‘मेरा छिमेकीहरु ज्यूसलाई निकै माया गर्ने गर्दथे । म ज्यूसलाई निकै मिस गर्नेछु । जो मानिस ज्यूसलाई पहिले पटक देख्थे निकै आश्चर्य भएर हेर्ने गर्दथे ।